A l’ora d’ara avèm un conlih blanc e maurèl dins la cort de l’escòla. Viu dins una gabia bèla. Es lo « Versalha » dels lapins.
Dins la classa dels mai grands avèm agut dos conilhs diferents: lo Blanc e lo Lulu. Son pas mòrts. Lo Blanc es tornat en cò de son amic Lorenzò e lo Lulu es en cò d’una regenta. Quora lo BLanc partiguèt a son ostal, lo Lulu podiá pas demorar tot sol. Èra tròp estressat…
Avèm creat un mestièr per noirir lo conilh. Cada jorn los enfants menan de noiridura e los qu’an lo mestièr del lapin li balhan. Aquel lapin es un brave chapaire! Manja de caròtas, d’api, d’ensalada, d’èrba, de pomas, de pan… e es bombut!
Amb la regenta qu’aima fòrça los animals avèm agut un fum de bèstias: de canilhas qu’an balhat de parpalhons colorats, un cap gròs que se transformèt en granhòta, un eriç, de vèrms de farina, de formigas, una tartuga e de peisses.