L’associacion

Calandreta es una escòla a estatut associatiu.

Existís demercé las subvencions de las collectivitats localas mas aquò sufiriá pas per far viure
l’escòla, dont las cargas son nombrosas notadament pel personal.

Son doncas los parents d’escolans que se mobilizan l’annada tota pel biais de divèrsas
manifestacions e a tòca lucrativa : venda de produches pendent de festenals de la vila, animacion de
taulièrs de pichona restauracion pendent de fèstas de jòcs, tombola…

Fa tanben apèl a de generoses benfaitors particulars o entrepresas, estacats a una escòla gratuita e
liura a Sèta, la transmission e la perennitat de la lenga e de la cultura occitana.

Lo principal motor de l’associacion demòra lo plaser que los parents an, de far viure, amassa
l’escòla de lors enfants.

Otra, assegurar lo finançament necessari al bon foncionament de l’escòla, los parents an tanben de
còr, a travèrs totas lors accions, de faire coneisser melhor l’escòla alprèp del public e de l’inscriure
al còr de la ciutat, coma una compausanta dinamica de l’identitat e de la vida seteusa.

Per aquò, una associacion per la promocion de la lenga e de la cultura occitana a estada creada :
Bona jornada. Organiza cada an a la prima, la fèsta occitana de la vila de Sèta