Burèu e associacion

L’escòla es gerida per una associacion lei 1901, doncas dispausa d’estatuts completats d’un reglament interior associatiu. Totes los parents son aderents de l’associacion.

Lo foncionament associatiu de l’escòla es fisada :

– A un Conselh d’Administracion constituat per la majoritat dels parents.

– Al burèu de l’associacion que s’apuèi sus de delagacions e de comissions especificas (ont los parents an de s’investir),

– A la Federacion regionala

L’amassada generala (A.G)

L’A.G ordinari se fa un còp dins l’an, a l’entorn del mes de mai. Estatuís suls diferents punts a l’òrdre del jorn coma lo bilanç d’activitat de l’annada passada, los comptes e lo budgèt.

Procedís a l’eleccion dels membres del conselh d’administracion (C.A) demest los aderents volontaris.

Procedís a l’eleccion de la novela presidència e del novèl burèu.

D’A.G extraordinaris se pòdon téner en cors d’annada en foncion de nessecitats de l’actualitat.

Lo Conselh d’Administracion (C.A)

Es elegit per l’Amassada Generala (A.G), e s’acampa un còp per periòd escolar (entre cada vacanças). Un delegat de la còla ensenhaira es present. Constitua l’acamp dels parents, e totes los parents de l’escòla i pòdon participar d’un biais ocasional o regular mas sol los membres del C.A pòdon votar.

Es l’organism de decision e lo representant de l’associacion. Pòt prepausar d’amelioracions al foncionar de l’escòla, que seràn somés al vòte…servís tanben per faire lo punt sul trabalh collectiu menat pels parents.

Lo burèu :

Lo burèu es eligit pel Conselh d’Administracion (C.A) e demest sos membres.

Es compausat d’un president (o de co-presidents) d’un secretari, d’un clavaire eventualament assistit, d’un secretari adjunt e d’un clavaire adjunt.

S’acampa un còp per periòd escolar per aprestar l’acamp del C.A e mai se necessari.

Es sostengut dins son trabalh per la mesa en plaça de delegacions e de comissions avent totas un referent dins lor còla, en carga de comunicar amb lo burèu.

Burèu 2018-2019 :

Jean Paul Salasse,  président.

Nadia Hennad, vice présidente.

Élisabeth Touzard, trésorière.

Morine Miravéte, vice trésorière.

Félicie Artaud, secrétaire.

Lucie Chanu, co-secrétaire.