L’engatjament dels parents

Cossí participar a la vida de l’escòla ?

Calandreta es una escòla a estatut associatiu. Existís gràcias a las subvencions de las collectivitats localas mas aquò sufiriá pas a faire viure l ‘escòla dont las cargas son nombrosas. Es doncas necessari per la bona marcha de l’ escòla, que cada parent s’investís regularament long de l’annada segon sas competéncias e sas disponibilitats. Aquel engatjament moral es prés cap a cada Calandreta tre l’inscripcion de son/sos enfants(s) e representa la primièra aisina de foncionament rendent perennas aquelas escòlas dempuèi 30 ans.

Doncas, vos podètz implicar al nivèl de la classa del vòstre enfant e/o al nivèl de l’escòla.

˃La vida de las classas :

La collaboracion regent(a)s-parents se pòt far d’un biais pedagogic jos forma d’intervencions de parents dins la classa, per l’animacion d’activitats plan precisas (prene contacte amb lo/la regent(a).

Ex annadas precedentas : jardinatge, corses de romanés, los pichons dejunars del mond, los talhièrs del gost…

˃La vida de l’ Escòla :

En participant al C.A, al Burèu, a una/de Delegacion(s) o a una/de Comissions(s) per fin d’ajudar l’escòla, far evoluïr son estructura e/o metre en plaça las divèrsas manifestacions a tòca lucrativa : venta de produches al temps dels festenals de la vila, animacion de bancas, de pichonas restauracions de las fèstas…

Segon vòstre emplec del temps, traparètz totjorn a participar :

Vos podètz implicar segon un calendièr precís en foncion de las datas de las festivitats a laqualas participam..

E/o d’un biais mai liure, en foncion de las vòstras disponibilitats personalas, dins la comission « ajuda escòla » per exemple pel bricolatge, lo jardinatge, lo recaptament….